وطني الكبير للشاعر الاستاذ عباس الطيب الهادي

يا وطني الكبير تحيا وتعيش لينا

ترعاك العناية ونسعد في وادينا

الشعب العظيم الليلة هب وثار

والزحف المقدس قادو في اصرار

صادق في كلامو قال نخوض النار

ونقابل بالصدور المكنة ومدافع النار

عاش الشعب عاش لحماية الاوطان

سودانية سود مابهية ماالوان

بنقيف فى الحدود ونقابل النيران

ونثبت كالجبال لنصرة السودان

ياوطنى الكبير وطن الابى والجد

وحالفين باليمين لازم نقيف فى الحد

الوطن العزيز بنيانو مابنهد

والنيل صافى يجرى بى هينة مابنسد

نحن اولاد بلد سودانا مابندى

بالسيف والقلم والراى دوام نحمى

شن صعب الامر ايانا راكزين لى

والنار كان ولعت الحر بصون وادى

وطنى بمجدو على سائر الاوطان

وبرفعو فى زحل فى اعلى اعلى مكان

شعبك منتصر لاشك يا السودان

وبهتف بحياتك يا مهبط السكان

فعلا وطنى كبير ومهما قلنا فيهو مابنوفيهو
ياسودانى يرعاك الاله مولاى
ومن رب العباد مخصوصة ليك عناية
مزكور فى الكتاب نص الحديث والاية
فى أخر الزمان للدين بتبقى حماية